Lelembut, lan sebutan liyane sing maneka warna wujudake makhluke Gusti Allah SWTsing kanthi alamiah ora kasat mripat manungsa merga makhluk ghaib. Makhluk bangsane lelembut mau kacipta dening Gusti Allah SWT kanthi bahan sarine geni, dene manungsa kacipta kanthi bahan saka sarine lemah.
Bangsa lelembut urip ing jagad liya, jagat sing ghaib ora kinawruhan manungsa. Manut kodrate bangsa lelembut mau ana sing alm nanging uga ana sing jahat. Makhluk-makhluk ghaib kadhangkala ana sing ngaton lan bisa ketangkep gambare kanthi piranti kamera lan bisa dideleng wujude ana ing gambar-gambar foto. Uga nalika penulis motret pentas kesenian rakyat jathilan ana ing plataran sawijining ing tlatah Borobudur, ing antarane pemain putrid lan nalika penulis motret, asli gambar fotone ana wewujudan arupa medhut putih ngubengi sawijing penari putrid kaya-kaya arep nutupi penari putrid mau.
Kamangka nalika motret ing sakubenge papan mau ora ana sing lagi udut lan kahanan cuaca padhang tanpa ana pendhut. Manurut crita ing bangunan mau pancen ana padunung-padunung ghaib sing seneng usil ngganggu manungsa lan jarene, para lelembut mau uga seneng nonton pentas jathilan putri.
Pengalaman liyane nalika penulis motret pentas kesenian rakyat Festival Lima gung ing dhusun Krangdhengan perengan gunung Sumbing sawetara wektu kepunkur, penulis uga jeprat-jepret motreti acara mau, saka sakehe foto-foto salah sijine gambar foto asli pemotretan swasan ing gumyak mau ana gambar awujud pendhut kempel sing muter-muter ing sandhuwure area pentas. Nalika penulis takon yen ora adoh saka papan pentas mau ana sawijining pasarean keramat makane cikal bakal dhusun mau.
Tidak ada komentar:
Posting Komentar