Perkara klasik sing tansah dianyari taun iku ngadepi Dina Riyaya Idul Fitri, yaiku bab owah-owahan tarip angkutan umum. Taun 2010 iki dadi rembug sing wigati tumrape pengusaha angkutan umum. Bab tuslah kuwi kenyataan mbukteke masyarakat, tetep wae dadi korbane. Tegese, masyarakat kudu ngetoke ongkos sing ora semesthine. Apa maneh yen aturan 2009 kapungkur ijeh dinggo pathokan lan pengusaha angkutan umum sing kon ngatur dhewe, masyarakat saya karepotan.
Masyarakat wis mbayangke menawa aturan tuslah bakal mundak 12 % saka rega tiket sing resmi. Dene Perusahaan Angkutan Umum yen nglanggar, putusan ijine bakal dicabut. Taun wingi, seminggu sadurunge riyaya, para pengusaha angkutan umum wani ngundake tuslah nganti 25 %. Para pengusaha ngejoke alasan mundak 25% iki isih tuna.
Pengusaha sing diwakili organda, ngundakke tuslah miturut ukuran dewe. Yen pemerintah ora cawe-cawe mesti masyarakat sing nanggung ongkos tambahan kang ora sethitik yen menehi.
Dina riyaya kaya Idul Fitri karepe pengusaha angkutan kanggo goleke bethen sing luwih gedhe ketimbang wekt liyane. Kamangka, kanggene masarakat kejaba aturan tuslah uga kekenan dhuwit ekstra sing ditarik kru angkutan kaya kondektur lan kanca-kancane.
Aturan sig ditetepake pemerintah ditujokke kanggo ngayomi masarakat, ora kanggo para pengusaha angkutan yakuwi bab tuslah tujuane para pengusaha mau golek bathi tikel.
Pengusaha angkutan yen diatur pemerintah ana kalane wani ngelawan terang-terangan mancing kahanan dadi kaco, mula pemerintah kudu bisa tumindak tegas.
Tidak ada komentar:
Posting Komentar